Устодону омӯзгорони муҳтарам!
Ҳамаи Шуморо ба муносибати Рузи омӯзгорон самимона табрик намуда, ба Шумоён дар таълиму тарбияи насли наврас дастоварду комёбиҳо таманно менамоям.
Давлату ҳукумат бо сарварии Президенти Ҷумҳурии Тоҷикистон, Ҷаноби Олӣ, муҳтарам Эмомалӣ Раҳмон ба рушди илму фарҳанг ва маънавиёти ҷомеа, махсусан ба таълиму тарбияи насли наврас эътибори аввалиндараҷа дода, барои пешрафти мактабу маориф ва тайёр намудани мутахассисони соҳиби донишу малакаи баланди касбӣ ҳамаҷониба мусоидат менамоянд. Дар Паёми имсолаи Сарвари кишвар, Ҷаноби Олӣ муҳтарам Эмомалӣ Раҳмон ба Маҷлиси Олии Ҷумҳурии Тоҷикистон қайд гардид, ки «Дастгирии соҳаи маориф ва баланд бардоштани мақоми омӯзгор дар навбати аввал аз он ҷиҳат муҳим мебошад, ки аҳли маориф дар рушди неруи инсонӣ саҳми бевосита дошта, яке аз қувваҳои пешбаранда ва фаъоли ҷомеаи имрӯза ба шумор меравад ва гузашта аз ин пешрафти тамоми соҳаҳои ҳаёти ҷомеа ва давлат ба сатҳи рушди маориф вобастагии мустақим дорад.»

Муфассал...

Бо мақсади татбиқи барномаи экологии Ҷумҳурии Тоҷикистон, фаъол гардонидани кори маҳфилҳои таҳсилоти умумӣ ва дарёфти истеъдодҳои ҷавон дар сатҳи омӯзиши табиати диёр, бунёдкорӣ ва ғанӣ сохтани ҷаҳони маънавии хонандагон дар МТМУ№10 озмуни шаҳрии «Тирамоҳи зарин» баргузор гардид. Озмун аз рӯи се шарт: ташкили намоишгоҳ аз маводҳои табиӣ, намунаҳо аз гербарияҳо, лавҳаҳо бахшида ба фаъолияти «Нозирони сабз», албомҳо, суратҳои ранга, истифодаи маводи видеоӣ ва кабудизоркунӣ ва муҳофизати муҳити зист, саволу ҷавоб аз фанҳои табиатшиносӣ, ҳимояи рисолаву рефератҳо дар мавзӯи муҳити зист ва экология гузаронида шуд. Натиҷаи озмун нишон дод, ки шогирдони муассисаҳои таълимии шаҳр бо омодагии ҳаматарафа ширкат варзида, беҳтарин корҳои хешро пешниҳоди ҳайати ҳакамон намуданд.
Аз рӯи шарти ташкили намоишгоҳ мақоми аввал насиби МТМУ №22 гардид. Ҷойи дуввумро мактабҳои №17, 26 ва 10 сазовор гардиданд. Муассисаҳои таълимии №25, 6, ДДҲБСТ ва гимназияи №1 ба мақоми саввум сазовор гаштанд.
Дар бахши саволу ҷавоб хонандаи литсейи №1 Мирҷамол Яҳёев, Шоҳида Ҳайдарова аз гимназияи №13, Фаридун Шамсиев аз М/Х «Гулчини маърифат» пирӯз гардиданд.
Дар бахши ҳимояи рисолаву рефератҳо хонандагони соҳибистеъдоди гимназияи №24 Фарангис Маҳмудова, мактаби №27 Муталлиб Маҳмудов ва мактаби №28 Саидмурод Усмонов ғолиб дониста шуданд. Ғолибони озмун бо диплому ифтихорнома ва туҳфаҳои хотиравӣ қадрдонӣ карда шуданд. Хонандагоне, ки сазовори мақоми аввал гаштанд ба даври вилоятии озмун роҳхат гирифтанд.

Нӯъмон Раҷабзода