Викторинаи мактабӣ «Муҳофизати табиат муҳофизати Ватан аст»

Бо мақсади иҷроиши қарори Раиси шаҳри Хуҷанд аз 04 ноябри соли 2014, №644 «Дар бораи тадбирҳои амалӣ намудани «Барномаи давлатии дарёфт ва рушди истеъдодҳо барои солҳои 2015 - 2020»»  баҳри фаъол гардонидани маҳфилҳо ва ҷалби хонандагон ба омӯзиши фанҳои гуногуни таълимӣ ҷадвали ягонаи шаҳрӣ аз ҷониби шуъбаи маорифи мақомоти иҷроияи ҳокимияти давлатии шаҳри Хуҷанд аз 1 апрели  соли 2015 ба тавсиб расонида шудааст.
Бо ҳамин мақсад тибқи ҷадвали дар боло зикршуда санаи 20 майи соли 2015 дар МТМУ № 11 ва МТМУ №20  озмун – викторинаи мактабӣ аз рӯи фанни биология дар мавзуъи «Муҳофизати табиат муҳофизати Ватан аст» бо иштироки хонандагони синфҳои 8, 9, 10 баргузор гардид.
Иштирокдорони озмун - викторинаи мактаби ба гуруҳҳо тақсим ва номгузорӣ карда шуда, аз руи шартҳои муаррифии даста, саволу ҷавоб, иҷрои супоришҳои тестӣ ва нақл аз рӯи расм қувваозмоӣ намуданд.  Дар чорабини мазкур гулчини сухан дар васфи табиат, гуфторҳои бузургон дар васфи табиат, маълумот дар бораи қонунҳои табиат ва саҳначаҳои тарбиявӣ вобаста ба мавзуъ пешкаш карда шуданд.
Сипас аз ҷониби  маъмурияти муассисаҳои таълимӣ дастаҳо ва хонандагони фаъол бо ифтихорнома ва сипосномаҳо сарфароз гардонида шуданд.