Санаи 18 августи соли равон дар МТМУ №12 рӯзи аввали машварати августии кормандони соҳаи маорифи шаҳри Хуҷанд баргузор гардид, ки дар он роҳбарони иттиҳодияи методии шаҳрӣ ва мушовирони фаннӣ оид ба натиҷаҳои ҷамъбасти соли сипаригардида, мушкилоту проблемаҳои мавҷуда, роҳҳои ҳалли онҳо ва маърӯзаҳои ба машварат пешниҳод гардидаро муҳокима карданд.
Маърӯзаи омӯзгорони фаннӣ ба таври муаммогузорӣ ҳаллу фасл гардид. Дар машварат мудири шуъбаи маориф Ҷалолов С.Ҷ иштирок намуда, ба дархост ва саволҳои омӯзгорон посух дод.
Соли ҷорӣ машварати августии кормандони соҳаи маорифи шаҳри Хуҷанд ба таври анъанавӣ нею, бо навгониҳо баргузор гашт. Баъди муҳокимаи маърӯзаҳо, проблемаҳо оид ба таълими фанҳои алоҳида, ба омӯзгорон саволҳои мушаххас дода шуданд. Омӯзгорон ба гурӯҳҳо тақсим шуда, бо маслиҳати ҳамдигар ба саволҳо ҷавобҳои худро омода карданд. Саволҳо асосан оид ба мушкилиҳои мавҷуда дар таълиму тарбияи насли наврас буданд.
Носирова М.,
роҳбари утоқи методии
шуъбаи маорифи ш.Хуҷанд.
{bonckoslideshow}/galerea/mash_avg_mtmu12{/bonckoslideshow}
