Даври ниҳоии озмуни «Муаллими сол-2015»-и шаҳри Хуҷанд дар мактаби №8 баргузор гардид. Дар озмуни имсола 170 нафар омӯзгорони болаёқату соҳибистеъдод ширкат варзида, 33 нафар ба даври шаҳрӣ ва аз ин теъдод 13 нафар ба даври ниманиҳоӣ роҳхат гирифтанд. Ҳайати ҳакамон дақиқсанҷона беҳтаринҳоро муайян намуданд ва ба даври ниҳоӣ 6 нафар беҳтарин омӯзгорони шаҳри Хуҷанд: Саноат Ҳайдарова, Мавҷуда Худойдодова, Муниса Ҳошимова, Зебо Аминова, Умеда Махсудова ва Шоира Исмоилҷонова роҳхат гирифтанд.

 

Мудири шуъбаи маорифи шаҳри Хуҷанд Саидмухтор Ҷалолов ҳамаи иштирокчиён ва довталабони озмунро шодбош гуфта, барояшон барору комёбиҳо таманно кард.
Довталабон аз рӯи шартҳои: муаррифии дарс, тарзи баёну услуб ва истифодаи аёниятҳо, саволу ҷавоб аз фанни таълимӣ ва санадҳои меъёрию ҳуқуқӣ донишу маҳорати хешро намоиш доданд.
Ҳайати ҳакамон ғолибонро муайян намуданд ва ғолиби озмуни «Муаллими сол-2015»-и шаҳри Хуҷанд омӯзгори фанни математикаи литсейи Донишкадаи политехникӣ Зебо Аминова гардид. Ба ғолиби озмун мудири шуъбаи маорифи шаҳри Хуҷанд Саидмухтор Ҷалолов дипломи дараҷаи 1, ҷом ва туҳфаҳои хотиравӣ тақдим намуд. Ҳамчунин ҳамаи иштирокчиёни озмун бо ифтихорнома ва туҳфаҳои хотиравӣ қадрдонӣ карда шуданд.

 

Нӯъмон Раҷабӣ

Хизматрасониҳои МТИ ва К

Ташрифкунандагон

mod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_counter
mod_vvisit_counterИмрӯз:175
mod_vvisit_counterРӯзи гузашта:332
mod_vvisit_counterҲамин ҳафта:175
mod_vvisit_counterҲафтаи гузашта:3571
mod_vvisit_counterҲамин моҳ:2154
mod_vvisit_counterМоҳи гузашта:15444
mod_vvisit_counterҲамагӣ:4234593

Навидҳо аз сомонаҳои расмӣ