Маълумотномаи натиҷаҳои Академияи хурди илмҳо дар соли 2014

Академияи хурди илмҳои шаҳри Хуҷанд яке аз шаклҳои фаъоли амали мутақобилаи институтҳои илмиву тадқиқотӣ, мактабҳои олӣ бо мактабҳои таҳсилоти умумӣ дар тарбияи кадрҳои илмӣ ва мутахассисони баландихтисос барои соҳаҳои гуногуни хоҷагии халқ ба шумор меравад.
Академияи хурди илмҳо зери шиори «Биёмӯз ҳарчанд мушкил бувад!» амал карда, манбаи тарбияи кадрҳои баландихтисоси оянда, мутахассисони  моҳир, пурдон ва эҷодкор, инчунин такмилдиҳандаи институтҳои илмиву тадқиқотӣ мебошад.

Академияи хурди илмҳои шаҳри Хуҷанд таҳти сарпарастии шуъбаи маориф ва мактабҳои олии қаламрави шаҳр фаъолият мебарад.   Академияи хурди илмҳо – иттиҳодияи ихтиёрии эҷодии толибилмони синфҳои болоӣ мебошад. Хонандагони ҳамаи намуди мактабҳои маълумоти умумӣ ҳангоми таҳсил дар синфҳои 8-11 зери роҳбарии омӯзгорон ба корҳои илмӣ шуғл варзида метавонанд.

Тибқи иҷроиши фармони шуъбаи маориф № 62 аз 25.02.2014 санаи 11.03.2014 дар МТМУ № 8 сессияи шаҳрии Академияи хурди илмҳо кори худро  оғоз намуд. Дар тантанаи кушодашавии сессия меҳмонон

1. Муродова Умеда Бурҳоновна – муовини раиси шаҳри Хуҷанд
2. Алиева Раҳбар Муслимовна – намояндаи Раёсати маорифи вилоят
3. Марофиев Саидҷон – профессор,президенти АХИ вилояти Суғд
4. Аслонов Акрам Ҳомидович – муовини мудири шуъбаи маориф

иштирок намуданд.

Сараввал сухани табрикӣ ба муовини раиси шаҳри Хуҷанд, ки мақдамашон ба чорабинӣ шукӯҳи тоза бахшид Муродова Умеда Бурҳоновна дода шуд. Инчунин устоди устодони таърихчиёну кишваршиносон, президенти АХИ вилояти Суғд, профессор Марофиев Саидҷон ҳадаф ва мақсадҳои Академияи хурди илмҳоро гуфта, барои иштирокчиён барору комёбиҳо хостанд.
Аз санаи 4 то 6.03.2014 даври якуми сессия дар муассисаҳои таълимӣ шуда гузашт, ки 545 нафар ғолибони он  аз рӯи 19 бахш дар сессияи шаҳрӣ  иштирок намуданд. Аз сабаби сол то сол зиёд шудани шумораи иштирокчиён сессия кори худро 3 рӯз аз рӯи ҷадвали пешакӣ тасдиқшуда оғоз намуд.

Рӯзи якум – 11 марти соли 2014

Рӯзи дуюм -  санаи 12 марти соли 2014

Рӯзи сеюм - санаи 13 марти соли 2014

Корҳои илмии дар доираи барномаи таълимӣ ва берун аз он таълиф гардида, фикру ақида ва хулосаҳои довталабон бо далелҳои асосноки илмӣ муаррифи карда шуданд.

Ҳайати доварон ҳангоми баҳогузорӣ  чунин меъёрҳоро ба назар гирифтанд:

• мазмун ва мундариҷаи кори илмӣ;
• аҳамияти илмӣ ва ба талаботи замон ҷавобгӯ будани мавзӯъ;
• исботи татқиқоти илмӣ;
• такризи кори илмӣ аз тарафи олимон ва мутахассисони соҳа;
• адабиётҳо ва айёниятҳои истифодашуда;
• ороиши эстетикӣ.

Дар сессияи шаҳрии имсола дар баробари хонандагони соли аввал инчунин иштирокчиёни фаъоли сесияҳои вилоятиву ҷумҳуриявии соли гузашта низ бо маърӯзаву гузоришҳои худ ширкат намуданд: Пӯлотова Хиромон, синфи 10, м\х Пӯлотов,  Шафиев Илҳом, синф 11, гимназияи Кавсар, Адҷихалилова Заррина, синфи 11, Гимназияи №13, Ҷаборова Шаҳноз, синфи 11, гимназияи Кавсар, Юсупов Мҳаммадакпар, синф 10, ЛДП, Раҳмонова Дилноза, синфи 10 м\х Файз, Рустамов Парвиз, синфи 8, м\х Файз, Почоева Мавзуна, синф 11, гимназияи Гёте, Бобоҷонова Азизахон синфи 8, м\х Дониш, Аминова Нодира, синфи 11 гимназияи Кавсар.

Ҳангоми ҳимоя кардани мавзӯъ аз тарафи Мафтунаи Шаҳобиддин, МТМУ № 19 синфи 10,  Махкамова Азиза гимназияи № 1, синфи 11 дар бахши рӯзноманигорӣ, Пӯлотова Маҳмудова Фарангис, гимназияи № 24, синфи 8 дар бахши  забони тоҷикӣ, Абдуманонова Адиба, МТМУ № 3, синфи 9 дар бахшиадабиёти тоҷик,  Қодирова Нодира, гимназияи Гёте, синфи 9,  дар бахши забони русӣ,  Ваҳҳобова Назира, литсейи политехникӣ, синфи 10, дар бахши адабиёти рус,  Тошматова Шаҳноза, гимназияи № 4, синфи 11, дар бахши забони англисӣ, Ҷӯраева Тахмина, гимназияи Гёте, синфи 10, дар бахши  Забони олмонӣ,    Фозилова Лейла, м/х Гулчини маърифат, синфи 10, дар бахши таърих,  Султонов Фирдавсхӯҷа, МТМУ № 28, синфи 10,   дар бахши кишваршиносӣ,   Давлатшоева Дилангез аз МТМУ № 8 дар бахши этнография, Муродҷонов Хушнур, МТМУ № 9, синфи 10, дар бахши ҳуқуқ, Пӯлотова Хиромон, м/х Дониш, синфи 10, дар бахши Математика, Усмонов Камолиддин, м/х Паймони Азизон, синфи 9, дар бахши физика, Худойбердиев Абдураҳим,  аз Г.маърифат, дар бахши  Технологияи компютерӣ,  Азизхӯҷаева Фарангис, м/х Паймони Азизон, синфи 11, дар бахши  химия,  Мӯминова Мафтуна, м/х Пӯлотов, синфи 11, дар бахши биология, Одинаев Наврӯз, МТМУ № 22, синфи 10, дар бахши география, Воҳидова Дилфуза, гимназияи № 1, синфи 11,  дар бахши экология,  Почоева Мавзуна аз гим. Гёте дар бахши тиб –муолиҷавӣ, Эшонхӯҷаева Нозанин, гимназитяи Гёте, синфи 8, дар бахши тиб, Бобоева Дилором, МТМУ № 16, синфи 10, дар бахши педагогика-психология,  Саидова Парвина, МТМУ № 26, синфи 10,  дар бахши рассомӣ.  айёниятҳои диққатҷалбкунанда, воситаҳои техникии замонавӣ истифода намуданд.
Имсол низ як қатор довталабони сессия бо тайёрии пухта ва дониши мукаммал ҳозир гашта,  ҳангоми муаррифӣ ва исботи тадқиқотҳо истеъдоди баланд нишон доданд. Корҳои илмии онҳо  мазмунан бой ва мундариҷаи ғанӣ дошта, ба талаботи Низомнома ҷавобгӯй буд, ки сазовори чунин ҷойҳо гашт.Санаи 15.03.2014 дар МТМУ № 8 сессияи шаҳрии Академияи хурди илмҳо ҷамъбаст карда шуд. Мудири шуъбаи маориф ғолибонро табрик гуфта, дипломҳои дараҷаи 1,2,3-ро супориданд.

Бо ибтикор ва сиёсати маорифпарваронаи мудири муҳтарамамон имсол аввалин маротиба ба роҳбарони илмии ғолибони беҳтарини сессияи шаҳрии Академияи хурди илмҳо  Ифтихорномаи шуъбаи маориф супорида шуд.

• Каримова Муҳайё Абдураҳмоновна – омӯзгори фанни технологияи МТМУ № 26
• Шодиева Насиба Эргашбоевна – омӯзгори фанни география МТМУ № 22
• Сулаймонова Матлуба Яҳёевна – омӯзгори фанни таърихи м/х Гулчини маърифат

Инчунин аз номи ҳакамони бахши Технологияи информатсионӣ, директори ТҶ МТИ «Кова»  Шафиев Зафарҷон  ба гирандаи ҷои аввали бахши мазкур Худойбердиев Абдураҳим,  хонандаи синфи 11, м/х Гулчини маърифат Ифтихорнома ва тӯҳфаи хотравӣ супорида шуд.

Аз номи ғолибон хонандаи синфи 10, МТМУ № 22 Одинаев Наврӯз баромад карда, ба роҳбарони илмӣ, ташкилкунандагон ва аъзоҳои ҳакамони  сессияи шаҳрӣ, мудири маориф арзи сипос намуд.

Дар хотима мудири маориф ба роҳбарони илмӣ хотиррасон намуд, ки аз бурду бохти шогирдон хулоса бардошта рисолаҳои илмиро то ба ҳадди комилият расонанд ва ба ғолибон баҳри ҳимояи арзанда дар сессияи вилоятӣ бурдбориҳо таманно намуд.