Рӯзномаи «Оламоро»

Рӯзномаи «Оламоро» - минбари омӯзгорон ва хонандагони шаҳри Хуҷанд, ки дар Вазорати фарҳанги Ҷумҳурии Тоҷикистон, таҳти №0194/рз номнавис шудааст, дар саҳифаҳои хеш дастоварду комёбиҳои аҳли маорифро инъикос менамояд.
Сармуҳаррири рӯзнома узви Иттифоқи рӯзноманигорони Тоҷикистон Нӯъмон Раҷабзода дар ҳамкории судманд бо омӯзгорону хонандагони фаъолу эҷодкори муассисаҳои томактабмӣ баҳри он талош мекунад, ки ҳар шумораи нашрия рангину хонданбоб ба табъ расида, дастраси толибилмон гардад.
Нашрияи «Оламоро» беҳтарин хонандагони эҷодкорро, ки маҳорати рӯзноманигорӣ доранд, ба ҳамкорӣ даъват намуда, хабару мақолаҳо ва шеъру ҳикояҳои онҳоро ба нашр мерасонад. «Оламоро» муаррифигари истеъдодҳои наврас аст ва хонандагоне, ки дар озмунҳои шаҳрию вилоятӣ ва ҷумҳуриявию байналмилалӣ мақоми шоистаро сазовор мегарданд, бо акс ва гузоришҳо дар бораи дастовардҳои онҳо пайваста матолиб ба нашр мерасонад.